SEMPOZYÛMA NAVNETEWEYÎ YA KURDÎ I
DÎN, DÎROK, ZIMAN Û ÇAND
Dîn, dîrok, ziman û çand ji
mêj ve ye ku bûne serçavîyên giring ên nasname û kesayetîya manewî ya miletan.
Ji ber vê, nasîn û zanîna taybetmendîyên miletan bi rêya vekolîna dîn, dîrok,
ziman û çandên wan mumkîn dibe. Ji ber mercên taybetî yên civaka kurdî
vekolînên li ser bawerî, dîrok, ziman û çanda kurdî hîn negihîştine asta
miletên pêşketî û pêwîstî bi xebat û lêhûrbûnên zêdetir heye. Ev sempozyûma ku
bi hevbeşîya Beşa Makezanista Ziman û Edebîyata Kurdî ya Fakulteya Edebîyatê ya
Sezaî Karakoç û Fakulteya Îlahîyatê ya Zanîngeha Dîcleyê tê kirin, bi mebesta
geşkirina vê qadê tê lidarxistin. Em dixwazin bi rêya vê sempozyûmê berê
vekolerên vê qadê bidin alîyên xam û veşartî yên bawerî, dîrok, ziman û çanda
kurdî û xebatên vê qadê bi pêş ve bibin. Di vê çarçoveyê da em dixwazin di sempozyûma
xwe da van mijarên jêrîn gengeşe bikin:
1. Medreseyên
kurdan
2. Tesewuf
di nav kurdan da
3. Berhemên
dînî yên kurdî
4. Bizavên
dînî di nav kurdan da
5. Ziman
û edebîyata kurdî
6. Folklora
kurdî
7. Dîroka
kurdan
8. Etnografî
û civaknasîya kurdî
9. Erdnîgarîya
kurdan
10. Perwerde
û akademîya kurdî
11. Mîmarîya
kurdî
Li dor van babetên
destnîşankirî serlêdan dê bi zimanên kurdî, tirkî, îngilîzî, erebî û farisî bên
pejirandin. Em ji vekolerên hêja tika dikin ku di beşdarîya sempozyûmê da demên
serlêdan, şandina kurte û deqên temam û rênimûyayîyên zanistî yên destnîşankirî
li ber çavan bigirin. Kurte û deqên temam ên sempozyûmê dê bi awayekî cuda bên
çapkirin. Herweha deqên temam dê wek beşên pirtûkê bên weşandin.